மூடு டாஸ்மாக்கை ! கம்பம் முதல் சென்னை கடற்கரை வரை ஆர்ப்பாட்டம்

மூடு டாஸ்மாக்கை ! கம்பத்தில் ஊர்வலம்!!

இன்று தமிழத்தில் நடந்த முழு கடையடைப்பு போராட்டத்தில் ஒரு அங்கமாக தேனி மாவட்ட விவிமு சார்பாக கம்பத்தில் டாஸ்மாக் கடையை முற்றுகையிடும் போராட்டம் நடைபெற்றது.

தோழர் மோகன் தலைமையில் நடந்த போராட்டத்தில் கம்பம் பஸ் நிலையத்தில் இருந்து தேவபாலா தியேட்டர் அருகில் உள்ள டாஸ்மாக் கடையை நோக்கி “மூடு மூடு டாஸ்மாக்கை இழுத்துமூடு!  உடைத்தெறிவோம் உடைத்தெறிவோம் டாஸ்மாக் கடையை உடைத்தெறிவோம்!அருகதை இழந்தது அரசு கட்டமைப்பு!  மக்கள் அதிகாரத்தை கட்டியமைப்போம்!” என்ற முழுக்கங்களுடன் ஊர்வலமாக சென்றனர்.

கம்பம் காந்தி சிலை அருகில் ஊர்வலத்தை தடுத்து நிறுத்திய காவல்படை தோழர்களை கைது செய்ய முயற்சித்தது. சீறிஎழுந்த தோழர்கள் சாலையில் அமர்ந்து முழக்கமிட்டனர். பேருந்து மற்றும் போக்குவரத்து இருபுறமும் நிற்க சுற்றிலும் பொதுமக்கள்  திரண்டார்கள். இதை சற்றும் எதிர்பாராத காவல்துறை தோழர்களை வலுக்கட்டாயமாக தூக்கி வண்டியில் ஏற்ற முயற்சித்தது.

மூத்த தோழர் கணேசன் அவர்களை நான்கு காவலர்கள் ஈவிரக்கமில்லாமல் சாலையில்  இழுத்தனர். ஆனால் தோழரோ இந்த வயதிலும் வெகுண்டெழுந்து நான்கு காவலர்களின் பிடியில் இருந்து விடுபட்டு முழக்கத்துடன் மீண்டும் தோழர்களோடு இணைந்து சாலையில் அமர்ந்தது சுற்றியிருந்த பொதுமக்களுக்கு உணர்ச்சியுட்டுவதாக இருந்தது. தொடர்ந்து அரைமணிநேரம் சாலை மறியலுடன்   போராடிய பின் தோழர்கள் கைது செய்யப்பட்டனர்.

மேலும் படங்கள்:

படங்களை பெரிதாக பார்க்க அழுத்தவும்

_________________________________________

சென்னை உயர்நீதிமன்றத்தில் போராட்டம்

_______________________________________