கடலூர் பெரியார் கலைக் கல்லூரி மாணவர்கள், தந்தை பெரியாரின் பிறந்த நாளான 17.09.2019 அன்று பெரியாரை நினைவில் ஏந்தும் வகையில் “சாதியத்தை ஒழித்து மனிதத்தை நிலைநாட்டுவோம் ! சாதி மனிதனை சாக்கடையாக்கும் மதம் மனிதனை மிருகமாக்கும் !” என்ற பெரியாரின் கருத்துக்களை முழங்கி கல்லூரி வளாகத்தில் உள்ள பெரியார் சிலைக்கு மாலை அணிவித்து வீரவணக்கம் செலுத்தினர். அதன் பின்னர் மாணவர்களுக்கு இனிப்பு வழங்கப்பட்டது.
இதனை தொடர்ந்து பல்தேசிய இனங்களின் மொழி, கலாச்சாரம் பண்பாட்டை பறிக்கும் வகையில் அமித்ஷாவின் இந்தி திணிப்பு ஆணவ பேச்சிற்கு எதிராகவும்; 5, 8-ம் வகுப்புகளுக்கு பொதுத் தேர்வை கொண்டுவந்து மீண்டும் மனுதர்ம குலக்கல்வியை நிலை நாட்ட துடிக்கும் மோடியின் தேசிய கல்வி கொள்கையை வழி மொழியும் அறிவிப்பை கண்டித்தும்; மாணவர்கள் நலனில் அக்கறை கொண்ட நுண்ணுயிரியல் துறை தலைவர் பேராசிரியர் நிர்மல் குமார் பணியிட மாற்றத்தை கல்லூரி நிர்வாகம் ரத்து செய்ய வேண்டும் என்றும் பெரும்பான்மை ஏழை எளிய மாணவர்கள் பயிலும் வேலூர் திருவள்ளுவர் பல்கலைக்கழத்திற்கு உட்பட்ட கல்லூரிகளில் திடீரென உயர்த்தப்பட்ட தேர்வு கட்டணத்தை ரத்து செய்ய வேண்டும் ! ஆகிய கோரிக்கைகள் போராட்டத்தில் முன்வைக்கப்பட்டது.
இப்போராட்டத்தில் மாணவர்கள் ஏற்கனவே பஸ்கட்டணம் உயர்ந்து விட்டது, ஸ்காலர்ஷிப் முறையாக வழங்கவில்லை. இதை பற்றி எல்லாம் கவலைபடாமல் தேர்வு கட்டணத்தை உயர்த்தியுள்ளது பல்கலைக்கழகம். இப்போது மாணவர்களின் நிலை தனியார் கல்லூரியில் படிப்பதுபோல் உள்ளது.
அதனால் இம்முறை பல்கலைகழக நிர்வாகம் தேர்வு கட்டணத்தை குறைக்காத வரை போராட்டத்தை கைவிமாட்டோம் என அனைவரும் ஒரே குரலாய் ஒலித்தனர்.
( படங்களைப் பெரிதாகப் பார்க்க அவற்றின் மீது அழுத்தவும் )
தகவல் :
புரட்சிகர மாணவர் இளைஞர் முன்னணி,
கடலூர். தொடர்புக்கு : 97888 08110
***
தேர்வு கட்டண உயர்வு ! இந்தி திணிப்பு ! 5,8 வகுப்பு மாணவர்களுக்கு பொதுத் தேர்வை கண்டித்தும் விழுப்புரம் திண்டிவனத்தில் மாணவர்கள் போராட்டம் !
திருவள்ளுவர் பல்கலைகழகத்திற்கு உட்பட்ட அனைத்து கல்லூரியிலும் திடீர் என தேர்வு கட்டண உயர்வுவை அறிவித்ததை தொடர்ந்து, கல்லூரி மாணவர்கள் புரட்சிகர மாணவர் – இளைஞர் முன்னணி (RSYF) ஒருங்கிணைப்பில், விழுப்புரம் அறிஞர் அண்ணா அரசு கலை கல்லூரி மற்றும் திண்டிவனம் கோவிந்த சாமி அரசு கலை கல்லூரி ஆகியவற்றில் 17.09.2019 அன்று வகுப்புகளை புறக்கணித்து தொடர் போராட்டத்தில் ஈடுபட்டனர்.
இந்த தேர்வு கட்டண உயர்வு என்பதை ‘மோடி எப்படி 500,1000 ரூபாய் செல்லாது என்று இரவோடு இரவாக அறிவித்தாரோ’ அதை போல கல்லூரி நிர்வாகம் 15-ம் தேதி இரவில் மாணவர்களுக்கு தொடர்பு கொண்டு கட்டண அறிக்கை வந்து இருக்கிறது. இன்னும் இரண்டு நாட்களில் கட்டணம் முழுவதும் கட்டி விடவேண்டும் என்று அறிவித்திருக்கிறார்கள்.
அரசு கலை கல்லூரியில் படிக்கும் மாணவர்கள் பெரும்பாலும் ஏழை, எளிய குடும்பம்களில் இருந்து பல்வேறு கடினமான சூழ்நிலையில் இருந்து வருகிறவர்கள். இந்த தேர்வு கட்டண உயர்வு என்பது மாணவர்கள் மீது மிக பெரிய சுமையாக மாறும் எனவே இந்த கட்டண உயர்வை உடனடியாக திருவள்ளுவர் பல்கலைக்கழகம் திரும்ப பெற வேண்டும் என்ற அடிபடையிலும் கல்லூரி நிர்வாகம் அதிர்ந்து போகும் விதமாகவும்.
தேசிய கல்வி கொள்கை – 2019 உள்ள அனைத்து பரிந்துரைளை அமல்படுத்தும் விதமாக 5, 8-ம் வகுப்பிற்கு பொது தேர்வு நடத்த வேண்டும் என்பதை தமிழக அரசு அறிவித்து இருக்கிறது. இந்த தேர்வு என்பதை பள்ளி மாணவர்கள் மத்தியில் ஒரு பயத்தை ஏற்படுத்தி மன அழுத்தத்தை ஏற்படுத்தும். அது மட்டும் இல்லாமல் இடை நிற்றலை அதிகரிக்கும் ஆகவே இந்த பொதுத்தேர்வு பெரும்பான்மை மாணவர்களுக்கு எதிராக இருப்பதால் உடனடியாக அரசாணையை திரும்பப் பெற வேண்டும் என்பதையும் வலியுறுத்தியும், கடந்த சில நாட்களுக்கு முன் அமித்ஷா -வின் இந்தி திணிப்பு பற்றி ஆணவ பேச்சை கண்டித்தும் மாணவர்கள் போராட்டத்தில் ஈடுபட்டனர்.
மாணவர்களின் மேற்கண்ட கோரிக்கையை உடனே நிறைவேற்றவில்லை என்றால் தொடர்ந்து அடுத்தகட்ட போராட்டம் நடத்துவோம் என்று கூறினார்கள்.
( படங்களைப் பெரிதாகப் பார்க்க அவற்றின் மீது அழுத்தவும் )
தகவல் :
புரட்சிகர மாணவர் இளைஞர் முன்னணி,
விழுப்புரம் மாவட்டம். தொடர்புக்கு : 91593 51158
***
திருச்சி பெரியார் கலைக் கல்லூரி – பெரியார் பிறந்தநாள் விழா கொண்டாட்டம் :
திருச்சி பெரியார் ஈ.வெ.ரா கல்லூரியில் தந்தை பெரியாரின் 141-வது பிறந்த நாளை முன்னிட்டு மாணவர்கள் அவரது சிலைக்கு மாலை அணிவித்தும், மாணவர்களுக்கிடையே இனிப்புகளைப் பகிர்ந்தும் கொண்டாடினர்.
கல்லூரி தந்த தலைவனுக்கு மாணவர்களின் மரியாதை :
“கருப்பு எங்கள் நிறமடா”
“இது பெரியார் பிறந்த மண்ணடா”
என்ற முழக்கங்களையும் முழங்கினர்.
( படங்களைப் பெரிதாகப் பார்க்க அவற்றின் மீது அழுத்தவும் )
தகவல் :
பெரியார் ஈ.வெ.ரா கல்லூரி மாணவர்கள் கூட்டமைப்பு.
திருச்சி. தொடர்புக்கு : 74182 06819.
