03.09.2026
பு.மா.இ.மு. முதல் மாநில மாநாடு மற்றும்
ஜென் சி-ஜென் ஆல்ஃபாக்களின் எழுச்சி மாநாட்டின் அறிவிப்பு நிகழ்ச்சி!
பத்திரிகைச் செய்தி
அன்பார்ந்த மாணவர்களே! ஜனநாயக சக்திகளே!
புரட்சிகர மாணவர்-இளைஞர் முன்னணியின் முதல் மாநில அமைப்பு மாநாடு (அக்டோபர் 15) மற்றும் ஜென் சி-ஜென் ஆல்ஃபாக்களின் எழுச்சி மாநாடு (அக்டோபர் 25) ஆகியவற்றின் அறிவிப்பு நிகழ்ச்சி நேற்று (செப்டம்பர் 03, 2026) மாலை 6 மணிக்கு சென்னை கன்னிமரா நூலகத்தில் பேராசான் காரல் மார்க்ஸ் சிலை முன்பு நடைபெற்றது.
இந்நிகழ்விற்கு புரட்சிகர மாணவர் -இளைஞர் முன்னணியின் ஒருங்கிணைப்பாளர் தோழர் தீரன் தலைமை வகித்தார்.
மக்கள் அதிகாரக் கழக மாநிலப் பொதுச் செயலாளர் தோழர் வெற்றிவேல் செழியன், புரட்சிகர மாணவர்-இளைஞர் முன்னணியின் முன்னாள் மாநில ஒருங்கிணைப்பாளர் தோழர் துணைவேந்தன் ஆகியோர் முன்னிலையில் பு.மா.இ.மு-வின் ஜென் சி -ஜென் ஆல்ஃபாக்களின் எழுச்சி மாநாட்டின் “ஃபர்ஸ்ட் லுக்” போஸ்டர் உற்சாகமாக வெளியிடப்பட்டது.
ஃபர்ஸ்ட் லுக் போஸ்டரை வெளியிட்டு பேசிய கழகப் பொதுச் செயலாளர் தோழர் வெற்றிவேல் செழியன், புரட்சிகர மாணவர்-இளைஞர் முன்னணியின் வரலாற்றையும் இன்றைய மாணவர்களின் அரசியல் சூழல், போராட்டங்களையும் முன்னிறுத்தி சிறப்புரையாற்றி, பு.மா.இ.மு. தோழர்களை வாழ்த்தினார்.
அடுத்ததாகப் பேசிய பு.மா.இ.மு-வின் முன்னாள் ஒருங்கிணைப்பாளர் தோழர் துணைவேந்தன், பு.மா.இ.மு-வின் போராட்ட வரலாற்றையும் இப்போது பு.மா.இ.மு. முன்னெடுத்துள்ள ஜென் சி- ஜென் ஆல்ஃபாக்களின் எழுச்சி மாநாட்டை பற்றியும் உரையாற்றி தோழர்களை வாழ்த்தினார்.
அடுத்ததாக, புரட்சிகர-மாணவர் இளைஞர் முன்னணியின் ஒருங்கிணைப்பு குழு தோழர் அறிவு, இன்றைய பள்ளி, பெண்கள் மீதான பாலியல் வன்முறைகளும் கல்லூரி மாணவர்கள் மத்தியில் சாதியத் தாக்குதல்களும் அதிகரித்து வரும் இச்சூழலில் பு.மா.இ.மு. கையில் எடுத்துள்ள இம்மாநாட்டின் முக்கியத்துவத்தை உணர்த்திப் பேசினார். இம்மாநாடானது சாதிய – ஆணாதிக்கக் கட்டமைப்பிற்கு எதிராக எழவிருக்கும் ஜென் சி – ஜென் ஆல்ஃபாக்களின் எழுச்சியின் தொடக்கத்தை அறிவிப்பதாக எழுச்சி உரையாற்றினார்.
கொட்டும் மழையிலும் பேருற்சாகத்துடன் நடைபெற்ற இந்த அறிவிப்பு நிகழ்ச்சியானது மாநாட்டின் எழுச்சியைப் பறைசாற்றுவதாக அமைந்தது.
இவண்
தோழர் ஆதி,
செய்தி தொடர்பாளர்,
மாநாடு ஒருங்கிணைப்புக் குழு.
9444836642
சமூக வலைத்தளங்களில் வினவை பின்தொடருங்கள்:
WhatsApp, X (Twitter), Facebook, YouTube, Telegram, Instagram, Threads
